№19 бірмандаттық аумақтық сайлау округі бойынша Тараз қалалық мәслихатының депутаттығына кандидат БЕЙСЕУ Ғалымжан Байдалыұлы

ӨМІРБАЯН

Мен, Бейсеу Ғалымжан Байдалыұлы, 1974 жылы 1-наурызда Жамбыл облысы, Талас ауданының Ақкөл ауылында дүниеге келдім. Білімім жоғары. 1980-1991 жылдар аралығында Ойық орта мектебінде білім алдым. 1991-1996 жылдары Жамбыл жеңіл және тамақ өнеркәсіби технологиялық институтының «Бухгалтерлік есеп және аудит» мамандығы бойынша оқыдым.
Еңбек жолымды Ойық өндірістік коорперативінде есепші маманы болып бастап, кейін Ойық ауылдық округі әкімшілігі аппаратының жетекші маманы, бас маманы қызметтерін атқардым. Жеке кәсіпкерлікпен де айналыстым. Қазіргі таңда «Тараз қаласы білім бөлімің техникалық шығармашылық орталығында» шаруашылық меңгерушісі болып жұмыс істеймін.
Отбасылымын, жұбайым және екі ұл, екі қызым бар.

САЙЛАУАЛДЫ БАҒДАРЛАМА

Мәслихат депутаттығына кандидат болып тіркелуім мен үшін білдірілген үлкен сенім деп білемін. Қазақтың киелі өңірлерінің бірі Тараз жерінде туып-өсіп, осы өлкенің барлық тынысын көз алдымда өткізген маған туған жерімнің өзекті мәселелері мен әлеуметтік жағдайы жақсы таныс. Ат жалын тартып мініп, еңбек майданына араласқан бері осы өңірді дамыту жолындағы сан алуан жұмыстарға белсене араласып келемін. Бұл көрсетілген құрметті халық алдында жасайтын адал еңбегіммен ақтағым келеді.
– Жерлестерімнің өзіме аманаттап берген өзекті мәселелер төңірегіндегі сауалдардың және халықтың өтініштері мен мұқтаждықтарының нақты шешілу жолдарын қарастыру;
– Мемлекеттік бағдарламалардың аясында барлық сала бойынша өндірілетін отандық өнімдерге қолдау білдіріп, импорттық әлеуеттілікті көтеру, ауылшаруашылық өнімдерін өндіру орындарын көбейту арқылы ауыл тұрғындарының жағдайын жақсартуға атсалысу;
– Халықтың сапалы медициналық көмекке қол жеткізуіне және емдеу мекемелерінің заманауи медициналық құралдармен жабдықталуына, денсаулық сақтау саласы мамандарының біліктілігін арттыру жолында тегін оқытуға қол жеткізу мақсатында жұмыс істеу;
– Бұқаралық спортты дамыту мақсатында тұрғындарға қолжетімді спорттық нысандарды көптеп салдыруға, оның ішінде балалар мен жастардың бос уақытын тиімді пайдалануына, олардың рухани және физикалық дамуына жағдай жасауға, жастардың патриоттық рухтарын көтеру жолында қажеттіліктерді қалыптастыруға ықпал етіп, қазақстандық патриотизмнің жаңа импульсін құруға атсалысып, балалар мен жасөспірімдердің дамуына арналған орталықтар аштыруға және оларға қолдау көрсетуге жұмыс істеу;
– Халықтың өмір сүру деңгейін көтеру мақсатында қажетті шаралар мен жұмыс түрлерін қолдана отырып, халықтың әлсіз топтарын, оның ішінде соғыс және тыл, еңбек ардагерлеріне, аз қамтылған және көпбалалы отбасыларға, мүмкіндігі шектеулі жандар мен жетім балаларға қолдау көрсетіп, қамқорлық танытуға заңнамалық тұрғыда ықпал етуге, азық-түлік пен дәрі-дәрмек бағаларының негізсіз көтерілуіне қатаң депутаттық бақылау орнатуға ықпал ету;
– Білім беру мен денсаулық сақтау нысандарының құрылысы мен олардың материалдық базасын жетілдіру жолында қаражат бөлуді көбейтуге ықпал ету;
– Ауылдық жерлердегі интернет байланысының сапасын жақсарту мәселелерін тиісті орындар арқылы шешілуіне бақылау жасау;
– Халықтың мұң-мұқтажын мен өтініштеріне көмек көрсету мақсатында жедел желілер арқылы кері байланыс жүйесін пайдалан отырып, арыз-шағымдарда көрсетілген мәселелердің тез әрі тиянақты шешілуі жолында жұмыс істеу;
– Өңірдің әлеуметтік-экономикалық дамуы жолында еңбек етіп, жерлестерімнің алдында туындаған мәселелерді шешудің жолдарын қарастыруға ерекше назар аударамын.

Тапсырыс беруші: №19 бірмандаттық аумақтық сайлау округі бойынша Тараз қалалық мәслихатының депутаттығына кандидат Бейсеу Ғ.Б.
Кандидаттың республикалық бюджет қаражатынан жабылатын шығыстары есебінен төленді.