Таразда су ішуге арналған фонтандар орнатылуда
Саябақтар – тұрғындардың бой жазып, сейілдеуіне таптырмас орын. Әсіресе, қала тұрғындары жаздың аптап ыстығында саябақта қыдырып, тыныққанды қалайды.
Әрине, мұндай демалыс орындары облыс орталығында жетерлік. Бүгінде олардың келбетіне сән қосып, шырайын арттыру мақсатында ілкімді істер қолға алынуда. Солардың бірі – биыл Тараз қаласында су ішуге арналған 10 «субұрқақ» орнатылмақ.
Бүгінге дейін Қ.Рысқұлбеков, «Жеңіс» саябақтарында екі, ал ҚР Президент саябағында бір субұрқақ қойылып, тұрғындар игілігіне берілді.
Бұл жұмыстар алдағы уақытта да өз жалғасын табады.
