Сенім жүгі Тараз қаласына жаңа әкім тағайындалды

Қазақстан Республикасы Президенті Әкімшілігінің және Тараз қалалық мәслихатының келісімдері бойынша Жамбыл облысы әкімінің өкімімен Орынбеков Бақытжан Әмірбекұлы Тараз қаласының әкімі болып тағайындалды.

Тараз қаласының активіне жаңа әкімді таныстырып, Мемлекет басшысының тапсырмаларын орындау, шаһардағы қордаланған мәселелерді шешу, дамыту бойынша нақты міндеттер жүктеді. Бақытжан Орынбеков 1971 жылы туған. М.Х.Дулати атындағы Тараз мемлекетік университетін «Автомобильдер және автомобиль шаруашылығы» және «Тау-кен ісі» мамандықтары бойынша бітірген. Ол еңбек жолын 1992 жылы Жамбыл қаласындағы «Заман» фирмасында бөлім бастығы болып бастаған.

Әр жылдары «Делдал» жеке кәсіпорны директорының орынбасары, «Жамбыл-Құпарлылық» АҚ-ның механигі, «Шығыс Таңы» Сауда-өндірістік компаниясы» ЖШСнің бас директоры, «Тараз көлік жолы» ЖШС-нің президенті, Жамбыл облысы әкімдігінің жолаушылар көлігі және автомобиль жолдары, құрылыс басқармаларының басшысы, «Қазатомөнеркәсіп» ҰАК» АҚ-ның «Сауда-көлік компаниясы» ЖШС-де және «Волковгеология» АҚ-да түрлі басқарушы лауазымдарда еңбек еткен. 2016-2017 жылдары ҚР Қорғаныс және аэроғарыш өнер кәсібі министрлігі Мемлекеттік материалдық резервтер комитетінің «Резерв» ШЖҚ РМК-нің бас директорының орынбасары, 2017-2018 жылдары ҚР Қорғаныс және аэроғарыш өнеркәсібі министрлігі Мемлекеттік материалдық резервтер комитеті төрағасының орынбасары, 2018-2021 жылдары «Тау-Кен Самұрық» ұлттық тау-кен өндіру компаниясы» АҚ-да департамент директоры, басқарушы директор-жобалық кеңсе сінің басшысы, жобаларды басқару жөніндегі бас директор-басқарма мүшесі қызметтерін атқарған.

Құрмаш ҚАПТАҒАЙ