Ұлы ақынды ұлықтау – ұрпақ парызы

10 тамыз – қазақтың ұлы ақыны Абай Құнанбаевтың туған күні.

Жалпы Абайдың қай күні дүниеге келгеніне байланысты кереғар пікірлер көп. Бірі ұлы ақынды 10 тамызда дүниеге келген десе, енді бірі 23 тамызда туған деген пікір айтады. Дегенмен 2020 жылдың 4 тамызында ҚР Үкіметінің Қаулысымен 10 тамыз – Абай күні болып бекітілді. Осыған орай кеше қала әкімі Ержан Жылқыбаев бастаған зиялы қауым өкілдері Абай Құнанбайұлының ескерткішіне гүл шоқтарын қойып, баба рухына тағзым етті.