Жаңа заң нормаларына түсіндіру жұмыстары жүргізілді

Қазақстан Республикасы Мемлекеттік қызмет істері агенттігінің Жамбыл облысы бойынша департаментінің бас мамандары Қазақстан Республикасы Су ресурстары және ирригация министрлігі Су шаруашылығы комитетінің Шу-Талас бассейндік су ресурстарын реттеу, пайдалану және қорғау инспекциясының қызметкерлерімен «Мемлекеттік және әлеуметтік жауапкершілігі бар көрсетілетін қызметтер туралы» заңның жаңа нормаларын түсіндіру мақсатында кездесу өткізді.

🟢 Атап айтқанда, мемлекеттік қызмет көрсету сапасын арттыру, қызметтерді цифрландыру, осы салаға қатысты заңнамалық актілерге енгізілген өзгерістер мен жаңашылдықтар, сондай-ақ мемлекеттік қызмет көрсету саласында жүргізіліп жатқан бақылау жұмыстары туралы ақпарат берілді.

🔰 Кездесу қорытындысы бойынша мемлекеттік көрсетілетін қызметтердің сапасын арттыру, азаматтардың құқықтары мен заңды мүдделерін қамтамасыз ету бағытында бірлескен жұмысты күшейту қажеттігі атап өтілді.