Жастар есірткі жарнамасымен қарқынды күресуде

Бүгінде облыс орталығында «Тараз – қауіпсіз қала» жобасы жүзеге асуда. Қоғамдық қауіпсіздікті қамтамасыз ету бағытында қолға алынған жоба шеңберінде ауқымды жұмыстар атқарылуда. Айталық, күні кеше жоба аясында қалалық Жастар ресурстық орталығының ұйымдастыруымен арнайы акция өтті. Жастар мен волонтерлар, қоғам белсенділері мен қалалық мәслихат депутаттары қатысқан шара барысында тұрғын үйлердің қабырғалары мен қоршауларға жазылған есірткі құралдарын жарнамалайтын сайттардың сілтемелері толығымен өшірілді. Жалпы шараға 50-ге жуық волонтер тартылып, солардың күшімен 40-тан астам графитти жазулары жойылды.