Жас оқырмандар Тәуелсіздік тарихымен танысты

16 желтоқсан – Қазақстан Республикасының Тәуелсіздігі күні туралы мәлімет беру, елінің егемендігі жолында күрескен ерлердің қаһармандығын әрдайым есте ұстауға, ұлтжандылыққа тәрбиелеу мақсатында №62 орта мектеп оқушыларының қатысуымен «Тәуелсіз елім – Қазақстан» тарихи реквием өткізілді.

Шара барысында оқырмандар Қазақстан Республикасының Мемлекеттік Әнұранын орындап, Желтоқсан көтерілісінде тарихта аты қалған Қайрат Рысқұлбеков, Ләззат Асанова, Ербол Сыпатаев, Сәбира Мұхамеджановалардың Тәуелсіздікке қол жеткізу үшін қатысқан ерліктерін дәріптеді.

Желтоқсан оқиғасы мен Тәуелсіздік туралы сұрақ-жауаптар қою арқылы ой толғап, Қазақстанның дамып өркендеу жолында әр жылдардағы жетістіктерге шолу жасап, кітап көрмесімен танысты.