Қырғызстанның бұрынғы президенті Асқар Ақаевтан барлық айып алынып тасталды
Қырғызстанның экс-президенті Алмас Ақаевтан тағылған айыптаулар алынып тасталды. Бұған дейін ол «Құмтор» алтын кенорнында жемқорлыққа қатысы бар деп айыпталған еді. Қылмыстық іс қылмыс құрамы болмағандықтан тоқтатылды, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Ақаевтың жақтастарының сөзінше, бұрынғы президентті куәгер ретінде тергеуге кез келген уақытта шақырып қалуы мүмкін.
Өткен аптада Асқар Ақаев соңғы 16 жылда екінші рет Бішкекке келген еді. Ол ұлттық қауіпсіздік комитетінде алтын кен орнындағы жемқорлыққа қатысты тергеуге қатысқан.
Еске салайық, Ақаев Қырғызстаннан 2005 жылы кеткен. Ол елдегі «қызғалдақ көтерілісінен» кейін орнынан алынған еді. «Құмтор» кен орнына қатысты Қызрғыстан парламентінің бірнеше депутаты мен шенеуніктері, елдің бұрынғы премьер-министрлерінің үстінен қылмыстық іс қозғалған.
