Украина халқы мародерларды қатаң жазалап жатыр (ФОТО)
Украина қалаларының мэрлері елдегі төтенше жағдай кезінде тонаушыларды жазалауға, соның ішінде өлім жазасына кесуге шақыра бастады деп хабарлады «Jambyl-Taraz» ақпарат агенттігі turkystan.kz сайтына сілтеме жасап.
Дегенмен, халық соғыс болып жатқан кезде қараусыз қалған нысандарды тонап жүрген ұрыларды әлі де болса гуманитарлық әдістермен жазалап жатыр.
Украина Қарулы Күштері мен аумақтық қорғаныс бөлімшелері Ресейдің әскеріне тойтарыс беріп, қалалар мен ауылдарды қорғап жатқанда қулықпен ақша тауып, дүкендер мен супермаркеттерді тонауға кіріскендер қатары көбейіп кеткен. Олар бейбіт тұрғындардың иесіз қалған пәтерлерін де тонаған. Ел ішінде осындай тонаушылармен күрес жүргізіп жатқандар бар.
Олар мородерлық әрекетке барған азаматтарды масқаралап, көше бағандарына байлап тастаған. Мына фотолар Киев пен Харьков қалаларында түсірілген.
