Тарихы терең Жамбыл ауданы

Жамбыл ауданы 1928 жылы 17 қаңтарда Сырдария округінің Әулие-ата ауданы болып құрылған. 1938 жылы 1 шілдеде Жамбыл ауданы болып өзгертілген. Ал, Қазақ ССР Жоғарғы Кеңесі Президимының 1962 жылғы  17 қаңтардағы Жарлығымен аудан орталығы Аса ауылы болып өзгертілді.

Жамбыл ауданы, облыс орталығы Тараз қаласын қоршай орналасқан. Ауданның жалпы аумағы 430,9 мың гектар. Ауданға қарасты 17 ауылдық округтегі 42 елді мекенде 88 211 халық тұрады.

Ұлттық құрамы бойынша ауданда халықтың басым бөлігі қазақтар 72% (63 309 адам), дүнгендер 9,2%, күрділер 6,1%, түріктер 4%, орыстар 2,8%, басқа ұлт өкілдері 6%.