Тараздық жасөспірімдер республикалық олимпиадада топ жарды

Ақтау қаласында өткен республикалық пәндік олимпиадада Тараз қаласының дарынды оқушылары жоғары нәтиже көрсетті. Информатика және химия пәндерінен сынға түскен 11 оқушының 7-еуі жеңімпаз атанып, аймақ абыройын асқақтатты.

Нақтырақ тоқталсақ, дарынды ер балаларға арналған мамандандырылған «БІЛІМ-ИННОВАЦИЯ» лицей-интернатының 9 және 11-сынып оқушылары Мұхаммад Сыздықов пен Ердәулет Тәңірқұл алтын медаль мен І дәрежелі дипломды иеленсе, аталған оқу ордасының тағы бір топ шәкірттері – Дарын Тұрдықұл, Мирас Байсбек, Мирас Медер, Сұңғат Серікбай және Айша бибі атындағы дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының 10-сынып оқушысы Айша Ибрагимова қола жүлдені қанағат тұтты.