Тараз «Ақылды» қалаға айналуда

Тараз қаласы цифрлық трансформация жолында! 2024 жылғы 30 сәуірде «Ақылды» қалаларды құрудың жаңартылған әдістемесі бекітілді. Осы әдістеме негізінде қалада 27 жоба іске асырылуда.
22 базалық жоба тұрғын үй-коммуналдық шаруашылығы, көлік, әлеуметтік сала, инновациялар, қауіпсіздік және басқару бағыттарын қамтиды.
5 қосымша жоба туризм, байланыс, мәдениет және қауіпсіздік салаларында жүзеге асуда.
«Ақылды» қала индексі:
2022 жылы – 45%
2023 жылы – 51%
2024 жылғы бағалау ақпан айында өтеді.
Жобаларды іске асыру бойынша облыс және қала әкімдерінің төрағалығымен кеңестер өткізіліп, өзекті мәселелер талқылануда.
«Ақылды» қала Тараз тұрғындарының өмірін жеңілдетіп, қауіпсіздігін арттырады.