Т.Рысқұлов ауданы әкімі аппаратының басшысы тағайындалды
Т.Рысқұлов ауданы әкімінің 2022 жылғы 20 қыркүйектегі №231-ө/жқ өкімімен Мұстафа Асхат Мейірбекұлы Т.Рысқұлов ауданы әкімі аппаратының басшысы лауазымына тағайындалды.
Мұстафа Асхат Мейірбекұлы 1983 жылы 4 маусымда Жамбыл облысы Талас ауданы Үшарал ауылында дүниеге келген.
2004 жылы Алматы экономика және статистика академиясын «қаржы және несие» мамандығы бойынша бітірген.
Жалпы еңбек өтілі – 12 жыл.
2009 жылы «IGLIKEA» ЖШС-нің іздеу салу маманы;
2011-2012 жылдары Байзақ ауданы әкімдігінің қаржы бөлімінің бюджетті атқару және коммуналдық меншік жөніндегі секторының бас маманы;
2012-2013 жылдары Байзақ ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы;
2013-2016 жылдары Байзақ ауданы әкімі аппаратының ұйымдастыру-инспекторлық және мемлекеттік құқықтық жұмыс бөлімшесінің бас маманы;
2016 жылы аталған бөлімшесінің басшысы;
2016-2019 жылдары Байзақ ауданы әкімі аппаратының ұйымдастыру-инспекторлық бөлімшесінің басшысы;
2019 жылдан бастап бүгінгі күнге дейін Жамбыл облысы әкімі аппаратының өңірлік бақылау және ұйымдастыру-инспекторлық жұмысы бөлімінің бас инспекторы болып қызмет атқарды.
