Споршылар жаңа Конституция жобасын талқылады
Жаңа Конституция жобасын жан-жақты түсіндіру және оның негізгі бағыттарын талқылау мақсатында спорт саласының өкілдері — жаттықтырушылармен кездесу ұйымдастырылды.
Кездесу барысында Ата заң жобасында көзделген басты өзгерістер, азаматтардың құқықтары мен бостандықтарын кеңейту, әділетті қоғам қалыптастыруға бағытталған нормалар кеңінен түсіндірілді.
Спорт жаттықтырушылары жас ұрпақ тәрбиесінде маңызды рөл атқаратыны анық.
Сондай-ақ, жаттықтырушылар тарапынан қойылған сұрақтарға нақты жауаптар беріліп, жаңа Конституция жобасы бойынша ашық пікір алмасу өтті. Кездесу қорытындысында қатысушылар конституциялық өзгерістерді қоғамға, әсіресе жастар арасында кеңінен түсіндірудің маңыздылығын атап өтті.
Мұндай кездесулер алдағы уақытта да әртүрлі сала өкілдерімен жалғасын табады.
