Соттан тыс банкроттыққа 65 мың Қазақстан азаматы өтініш берген

Қаржы вице-министрі Ержан Біржанов азаматтарды банкрот деп тану рәсімі туралы айтты. Шенеуніктің айтуынша, Қазақстанда бұл мәртебені күн сайын 100-150 адам алады.

«Заңнамаға сәйкес тексеру іс-шараларын жүргізуге жарты жылдық кезең қарастырылды. Яғни біз наурызда өтінішті қабылдап, дереу банкроттық туралы шешім шығара алмайтын едік. Қыркүйекте бұл кезең аяқталып, банкроттық рәсім басталды. Кеше 377-ден астам адам бонкрот деп жарияланды. Күн сайын 100-150 адам қосылады, яғни олар қазірдің өзінде жұмыста бар», – деді Біржанов.