Саябақтар қоқыстан тазартылды

Таразда «Таза Қазақстан» акциясы аясында және Наурызнама онкүндігінде көзделген Тазару күніне орай бірқатар саябақ пен көшелерде тазалық жұмыстары жүргізілді.

Айталық, облыстық жастар ресурстық орталығынан және «Жасыл ел» еріктілер жасағынан 50-ден аса жас жиналып, «Денсаулық» саябағындағы арық-атыздар мен жолдарды күл-қоқыстардан тазалады.
Айта кетейік, Жамбылда наурыз-сәуір айларына жоспарланған 10,9 мың тал ағаштарын отырғызу, 17 мың шаршы метр гүлзар мен 5,7 мың шаршы метр көгал егу, 803,8 шақырым арық жүйесі мен каналды тазалау, 2 781 шақырым көше, 668 140 шаршы метр саябақ пен скверлердің аумақтарын тазалау, 5 мың тонна күл-қоқыс шығару жұмыстары кестеге сәйкес кезең-кезеңімен жүзеге асуда.