Сарысу ауданында 30 игі іс жобасы жалғасын табуда
Сарысу ауданында аудан әкімі М.Сұлтанғалиевтың бастамасымен тәуелсіздігіміздің 30 жылдығына орай, 30 игі іс жобасы жалғасын табуда,- «Jambyl-Taraz» ақпарат агенттігі.
Жоба ата-анасының қамқорлығынсыз қалған, мүмкіндігі шектеулі және әлеуметтік аз қамтылған отбасылардан шыққан балалар арасында өтуде.
Оларға аудан әкімінің тапсырмасымен киім-кешектер, түрлі ойыншықтар және азық-түлік себеттері берілуде.
Осыған орай қазанның екінші жексенбісі мүмкіндігі шектеулі азаматтар күніне орай аудан әкімі Марат Қырғызәліұлы аудандағы мүмкіндігі шектеулі балалар тәрбиелеп отырған ата—аналармен жолығып, балаларға сыйлық сыйлады.
Аудан әкімінің сыйын бірқатар отбасыларына аудан әкімінің орынбасары Олжас Кокей Көкей, ішкі саясат бөлімінің басшысы Гүлнұр Гулнур Алтынбекова , қала әкімі Дүйсенәлі Борсықов жеткізіп берді.
