Сайлау: Мемлекеттік тілден емтихан тапсырған кандидаттар қандай нәтиже көрсетті
АСТАНА. ҚазАқпарат – Лингвистикалық комиссия өкілдері ҚР Президенттігіне үміткер кандидаттардың мемлекеттік тілден тапсырған емтиханының қорытындысын жариялады, деп хабарлайды ҚазАқпарат тілшісі.
Сонымен қатар, лингвистикалық комиссия мүшесі Анар Фазылжанова емтихан тапсырған бүкіл үміткерде емле қателері болғанын атап өтті.
«Жасыратыны жоқ, үміткерлердің ішінде бір де бір емле қатесін жібермей мәтін жазғаны болған жоқ. Бұл үміткерлеріміздің жазу дағдысының осалдығын білдірмейді. Бұл жазу коммуникациясының тілдің ең күрделі саласы екенін білдіреді», – деді Анар Фазылжанова.
Айта кетейік, бұған дейін құжат тапсырған 12 кандидаттың 8-і мемлекеттік тіл сынағынан өтіп, барлығы қазақ тілін еркін меңгергенін растады.
Ал халықтық коалиция атынан ұсынылған Президент Қасым-Жомарт Тоқаев ҚР Конституциялық Заңының 54-бабы 2-тармағына сәйкес, мемлеттік тілден емтихан тапсырмайды.
Сонымен қатар, бүгін Орталық сайлау комиссиясы құжат тапсырған 3 кандидатты тіркеуден бас тартты. Жауапты орган мәліметінше, олардың кандидатурасы заң талаптарына сай келмейді.
