Ресейден Қазақстанға 1,6 миллион адам келген
Биыл елімізге Ресейдің 1,6 миллион азаматы келген. Бұл туралы Ішкі істер министрлігі Көші-қон қызметі комитеті төрағасының міндетін атқарушы Аслан Аталықов айтты, деп хабарлайды Экспресс К.
Статистикаға сүйенсек, биыл Қазақстанға 4,3 миллионға жуық шетелдік келген. Оның ішінде 4,1 миллионы қайтып кеткен. Ал Ресей Федерациясынан шекара арқылы 1 660 000 азамат өткен, — дейді Аслан Аталықов.
Министрлік өкіліның айтуынша, олардың әрқайсысының төлқұжат деректері мен кіру күні, басқа да толық ақпараты бар. Көші-қон процестеріне мониторинг жүргізіліп жатыр. Ішкі істер органдары келушілердің елде болу ережелерінің сақталуын бақылауда ұстап отыр.
Шетелдiктiң елде болу мерзiмi аяқталса, оған қатысты заңда көзделген шаралар қолданылады. Бақылау барысында көші-қон заңнамасын бұзған 45 700 адам әкімшілік жауапкершілікке тартылып, оның 4200-і мәжбүрлі түрде Қазақстаннан шығарылды, — дейді комитет төрағасының міндетін атқарушы.
Оның ішінде көші-қон заңнамасын бұзған 3 200 ресейлік жауапқа тартылған. Бұл елге келген Ресей азаматтарының тек 0,2 пайызын құрайды екен.
Оны (ережені — ред) бұзған жағдайда Қазақстаннан мәжбүрлеп шығару, 5 жыл мерзімге елімізге қайта кіруге тыйым салу түріндегі қосымша санкцияны қарастырады, — дейді Аслан Аталықов.
