Ресей сыртқы істер министрлігі басқа елдерге азаматтарын Украинадан шығаруға көмектесуге уәде берді
Ресей басқа елдерге өз азаматтары мен дипломаттарының Украинадан шығарылуын қамтамасыз ету үшін қолдан келгеннің бәрін жасап жатқанын мәлімдеді, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Бұл туралы РФ сыртқы істер министрлігінің баспасөз хатшысы Мария Захарова айтып берді,
Оның айтуынша, Мәскеуге Украинадағы басқа елдердің елшіліктерінен өз азаматтарының, дипломаттары мен халықаралық ұйымдар қызметкерлерінің шығарылуын қамтамасыз етуге көмек көрсету туралы өтініштер келіп түсуде.
«Біз оларға қажетті көмек көрсету үшін қолдан келгеннің бәрін жасап жатырмыз, біз үнемі байланыстамыз. Мәскеу Ресей мен Украина өкілдері арасындағы келіссөздер жағдайды тез арада реттеуге, Донбасста бейбітшілікті қалпына келтіруге, адамдардың бейбіт өмірге оралуына әкеледі деп күтеді», – деді Захарова брифинг барысында.
Захарованың айтуынша, РФ СІМ сайты бұрын-соңды болмаған кибершабуылдарға ұшырап отыр, бұл басқалармен қатар, Украина билігінің адам құқықтарын бұзғаны туралы дәлелдемелерге жұртшылықтың қол жеткізуіне кедергі жасау әрекеттерімен байланысты.
