ҚР Президентінің іс басқарушысы Айбек Дадебаев «Оқжетпес-Бурабай» емдеу-сауықтыру кешенінің қызметкерлерімен кездесті

Бүгін Қазақстан Республикасы Президенті Іс Басқарушысы Айбек Дадебаев Медициналық орталықтың ведомстволық қарасты «Оқ-Жетпес Бурабай» емдеу-сауықтыру кешенінің қызметкерлерінің жұмысымен және еңбек жағдайымен танысты.

Бүгінде емдеу-сауықтыру кешенінде 264 адам қызмет етуде. Кездесуде кешен қызметкерлері Басқарушыға сұрақтарын қойып, өздерінің ой-пікірлерімен бөлісіп, жауап алды.

Биылғы жылдың қаңтар айынан бастап дәрігелер жалақысы 60%-ға, медбикелер 40%-ға, басқа қызметкерлер айлығы 20%-ға өсті. 2022 жылғы бірінші тоқсанда орташа жалақы 288 мың теңгені құрады.

Емдеу-сауықтыру кешені 1964 жылы үш қабатты бір ғана ғимараттан басталып, бүгінде үздік шипажайлар тізімінде көш бастап келеді. Қазіргі уақытта «Оқжетпес» емдеу-сауықтыру кешені жыл бойы қызмет көрсетеді және демалушыларға арналған 173 нөмірлік қоры бар, жыл бойына қызмет көрсететін емдеу орны болып табылады. Біріктірілген желінің әртүрлі санаттағы 367 бөлмесі бар. Медициналық ғимараттар білікті кадрламен және жаңа медицина жабдықтарымен жабдықталған. Жылына 10 мыңға жуық адам келіп ем қабылдауда.