Паркинсон ауруларын хирургиялық емдеу орталығы ашылды
2022 жылы Орталық клиникалық ауруханасында Паркинсон ауруларын хирургиялық емдеу орталығы ашылды. Оның негізінде 28 операция табысты жасалды, оның ішінде ТМККК және МӘМС тегін квотасы арқылы да бар. Операцияларды миға және жұлынға нейростимулятор қою бойынша маманданған белгілі нейрохирург, медицина ғылымдарының кандидаты Чингиз Шашкин бастаған үш дәрігер жүргізеді.
– Операциядан, әрине,толық сауығып кетпейді, бірақ ол мұндай науқастарға өмір сапасын едәуір жақсартады, өйткені олардың бұлшықеттері жұмыс істемей қалады. Сол үшін біз науқастардың миына жіңішке электродтар жібереміз, бұл электродтар нейростимулятормен қосылады, кеуде тұсындағы бұғана астындағы тері астына импланттаймыз. Алматыда тегін квотамен операция жасалған алғашқы науқастың жасы 70-те, олардың 8-інде аурудың қалтыраған түрі болды. Қазақстанда мұндай науқастардың саны барлығы 30 мың, көбінесе егде адамдар ауырады, бірақ менің тәжірибемде 25 жасар пациент те болды.
Паркинсон ауруымен Гитлер, Мохамед Али, Оззи Осборн, II Иоан Павел, Вячеслав Зайцев, Валентин Гафт, Сальвадор Дали, Мао Дзедун ауырған. Бүкіл әлем бойынша биостимулятор енгізу бойынша алғашқы операцияны 1987 жылы жасаған, қазір нейростимуляция әдістемесі АҚШ-та, Еуропада, Азияда сәтті қолданылады. Қазақстанда оны 2013 жылы сынап көрді, алайда осы уақытқа дейін операциялар астанада және Қарағандыда ғана жасалды.
– Орталық клиникалық ауруханасы базасында Паркинсон ауруларын хирургиялық емдеу орталығын ашу – бұл, тамаша шешім болды, себебі оңтүстікте еліміздің 62% халқы тұрады және олардың өз аймағында тегін емделуге мүмкіндігі болмаған еді. Қазір тегін операцияға 29 адам кезекте тұр. Операцияның өзі өте қымбат тұрады, сондықтан да қажет ететін адамдарды стимулятормен қамтамасыз ету үшін қосымша қаржыландыру сұрайтын боламыз.
Қазақстанның тұңғыш функционалдық нейрохирургы Чингиз Шашкин Паркинсон ауруының алдын алу үшін салауатты өмір салтын ұстануды, көп қимылдауды, дұрыс тамақтануды ұсынады.
Gulzhan Khalikyzy
