«Пандемия біткенге дейін»: Қытай полициясы паспорттарды тартып алып жатыр
Қытайдың орталық бөлігіндегі Хунань провинциясының полициясы жергілікті тұрғындарға паспорттарын полицияға тапсыруды бұйырды деп деп жазды turkystan.kz RFA-ға сілтеме жасап.
Қытайдың Орталық Хунань провинциясында әлеуметтік желілерде жұмыс берушілерге барлық қызметкерлер мен олардың отбасы мүшелерінің паспорттарын полицияға тапсыру туралы полиция департаментінің хабарламасы тарады. Хабарламада паспорттардың пандемия аяқталғаннан кейін қайтарылатыны жазылған.
Хунань провинциясының офицері хаттың шынайылығын растап, шараның бүкіл елде жүзеге асырылып жатқанын айтты.
«Ресми талаптарға сәйкес, пандемияға байланысты паспорттарды тапсыру керек. Тек жұмыс берушісі бар адамдар емес, паспорты бар адамдардың барлығы тапсыруы қажет. Бас тартқан жағдайда тергеуге дайын болуы тиіс», – деді полиция қызметкері.
Айта кету керек, Қытайда елден көшкісі келетіндердің саны күн сайын артып келеді. WeChat және Baidu іздеу жүйесінде «Канадаға эмиграция критерийлері» бойынша кілт сөздерді іздеу соңғы айда 3000 пайызға дейін өсті. Оның ішінде, іздеулердің көпшілігі COVID-19 болуына байланысты қатаң шектеулері бар қалалар мен провинцияларда шоғырланған. Мысалы, Шанхай, Цзянсу, Гуандун және Пекинді сияқты қалаларда.
Еске сала кетсек, карантиннің салдарынан көптеген қытайлықтар азық-түліксіз қалды. Қиындықтарға шыдамаған тұрғындар билікке қарсы наразылыққа шығып, қарсылық көрсетіп жатыр. Өзіне қол жұмсау фактісі әдеттегі жағдайға айналған.
