Оралда әйел тізгіндеген көлік 10 жасар қызды қағып өлтірді

Оралда Тойота Прадо көлігін тізгіндеген әйел оқушы қызды қағып кеткен, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.

Қайғылы оқиға 26 қазан күні таңертеңгі уақытта Орал қаласындағы Кердері көшесінің бойында болған. Полицейлердің мәліметінше, қыз жолды рұқсат етілмеген жерден кесіп өткен.

«Жол-көлік оқиғасының нәтижесінде түрлі дене жарақаттарымен облыстық көпсалалы ауруханаға жеткізілген кәмелетке толмаған қыз есін жимастан көз жұмды», – деп мәлімдеді Батыс Қазақстан облысының полиция басқармасы.

Жүргізілген медициналық сараптама жүргізушінің алкогольді ішімдікті қолданбағанын көрсетті.

Аталған факті бойынша Қылмыстық кодекстің 345-бабының 3-бөлігі бойынша сотқа дейінгі тергеу жұмыстары басталды.

Мән-жайды тексеру барысында қыздың дүкеннен үйге жалғыз қайтып келе жатқаны, оның екінші ауысымда оқитыны анықталды.