Назарбаев президент сайлауына қатыса ала ма? Ресми жауап берілді
Әділет вице-министрі Алма Мұқанова бұрынғы Мемлекет басшысының күзде өтетін сайлауға қатысу мүмкіндігіне жауап берді, деп хабарлайды Экспресс К.
Республикалық референдумда түзетулер қабылданды. Оларға сәйкес Конституциядан «Президент болып қатарынан екі реттен артық сайлану талабы Тұңғыш Президентке қолданылмайды» деген норма алынып тасталды. Сондықтан ол күзде өтетін сайлауға қатыса алмайды,— деді вице-министр.
Бұған дейін Нұрсұлтан Назарбаевқа мадақ айтқан заңгер оның портреттерін алып тастауды ұсынған еді.
