Ұлттық банк доллар мен рубльдің 21 желтоқсандағы бағамын белгіледі

Ұлттық банк доллар мен рубльдің 21 желтоқсандағы ресми бағамын белгіледі, деп хабарлайды Stan.kz ақпарат агенттігі. 

Атап айтқанда, 1 доллар құны – 469, 18 теңге, Ресей рублінің орташа сараланған бағамы – 6,80 теңге.

20 желтоқсан кешкі сауда қорытындысы бойынша, доллардың орташа бағамы 1,25 теңгеге қымбаттап, 469, 29 теңге болған.

Kurs.kz мәліметі бойынша, Астанадағы валюта айырбастау орындарында 1 доллар 468,8 – 472 теңгеден сатылып жатыр.

Ал Алматыда доллар 469 – 473 теңге аралығында құбылып тұр.

Дәл қазіргі уақытта Алматыдағы ақша айырбастау орындарында Ресей валютасын 6,6 – 6,8 теңгеге сатып алуға болады.