«Өлтірмейміз»: Қадыров украиналық әскерлерге кешірім сұратты
Шешенстан басшысы Рамзан Қадыров Мариупольде тұтқынға алынған украиналық сарбаздардың кешірім сұраған видеосын жариялады деп хабарлады turkystan.kz adyrna.kz-ке сілтеме жасап.
Қадыровтың Telegram-парақшасына жарияланған видеода Украина әскерлері әріптестеріне берілуге, өз билігін қарғап, кешірім сұрауға кеңес береді.
«Тұтқынға түскен» ержүрек «украиндық жауынгерлердің әрқайсысы түсіністікпен қарайды. Олар өз басшылығын айыптайды. Ресей мен Украина халықтарынан халыққа қарсы әрекеттері үшін кешірім сұрайды. Олар ресейлік құқық қорғау органдарының өкілдеріне қарсы қаруларын тастап, берілуге шақырады», – деп жазды Telegram-арнасында.
Оның айтуынша, тұтқынға алынған украиналық сарбаздарға еш қысым көрсетпейді: олар тамақтанады, медициналық көмек көрсетіледі, туыстарымен байланысуға рұқсат етіледі.
«Ешкім оларды атпайды, ешкімді мазақ етпейді, өлтірмейді. Біз азовтық банданың фашистеріне тән садистік әдістерге қарсымыз», – деді аймақ басшысы.
