Коммуналдық мекемелер күшейтілген режимде жұмыс істеуде
Таразда қардың көп жауғанына байланысты коммуналдық мекемелер тәулік бойы күшейтілген режимде жұмыс істеуде.
Мамандардың айтуынша, кеше шаһар көшелерін ақ ұлпадан тазартуға 50-ден аса техника, 200-ге жуық адам жұмылдырылған. Сонымен қатар, халықтың жүріп-тұруы мен көлік қозғалысының қауіпсіздігі үшін қала көшелеріне 191 тонна тұз себіліп, 780 текше метр құм шашылған.
«Жасыл ел-Тараз» мекемесінің күшімен көне шаһар көшелерінен жалпы 1500 текше метр қар шығарылды.
Сонымен қатар, қаладағы барлық мекеме қызметкерлері өз аумақтарын қардан тазалап, коммуналдық қызмет көрсету мамандарына қолғабыс етуде.
