Көркем сөз шебері – Шерхан Мұртаза

On Жел 5, 2022

Шерхан Мұртазаның туғанына 90 жыл толуына орай, Кітапханалық-ақпараттық орталықтың ұйымдастыруымен, Гидро кешеніндегі N8-ші оқу залында «Су шаруашылығы институтының» «Экология» мамандығының 1-ші курс студенттерімен «Көркем сөз шебері» тұлғатану сағаты өтті.

Жазушының өмірбаяны, жазған әдеби шығармалары және аудармалары таныстырылып, пьесаларынан үзінділер көрсетілді.

Әдебиет сүйер қауымынан жақсы бағасын алған «Ай мен Айша» шығармасы – өткен ғасырдың қайғы-қасіретімен қоса, сол кезеңді басынан өткерген жетім баланың, жесір ананың мұңын арқау етеді. Шер-ағаң туған жерді сүюді, оған деген мәңгілік өшпес сағынышты, аналық данышпандық пен ағайындық мейірімнің, тағдырдың қатал соқпағының барын осы шығарма арқылы суреттейді.

1-ші курс студенттері Аружан Қүншырақ «Қызыл жебе» романынандағы Тұрардың қиын-қыстау өмірі жайлы, Дарын Амангелді «Жүрекке әжім түспейді»шығармасынан екінші дүниежүзілік соғыс зардабын өзек еткені туралы баяндап берді.