Көпбалалы аналар ардақталды
Алдыңғы
1 of 7
Келесі
Тараз қаласының әкімі Бақытжан Орынбековтің қатысуымен көпбалалы аналарға «Алтын» және «Күміс» алқаларды табыстау рәсімі өтті.
Басқосуда сөз алған шаһар басшысы алтын құрсақты аналарға ақжарма тілегін арнады.
– Бүгінде көне шаһар – Тараз тұрғындарының саны артып келеді. Ана мен баланы қорғау мақсатында да көптеген ілкімді істер қолға алынып, жарқын жобалар жемісін беруде. Бұл – мемлекеттік саясаттың ажырамас бөлігі. Осыған орай көпбалалы аналарға жан-жақты қолдау көрсетіліп келеді. Мұның барлығы сіздерге жасалып жатқан қамқорлықтың бір көрінісі, – деген шаһар басшысы 5 анаға «Алтын», 24 анаға «Күміс» алқаларын табыс етті.
Марапат иелері де өз кезегінде қала басшылығына алғыс білдірді.
Жалпы Тараз қаласы бойынша 2010-2023 жылдар аралығында 2753 анаға «Алтын», 2516 анаға «Күміс» алқа табысталды.
