Инсультті емдеудің заманауи тәсілдері қандай?

Тараз қалалық көпсалалы аурухананың базасында «Ишемиялық инсультті емдеу мен диагностикалаудың заманауи тәсілдері. Cerebra-инсульттің автоматтандырылған диагностикасы» тақырыбында ғылыми-практикалық конференция өтті. Шараға жиналған білікті мамандар нейрохирургиялық қызметтің қазіргі жай-күйін, оның дамуының басым бағыттарын, өзара байланыстарды нығайту мен тәжірибе алмасуды талқылап, жамбылдық дәрігерлерге нейрохирургия саласында практикалық көмек көрсетуді дамыту барысына кеңінен тоқталды.

Ишемиялық инсульттің аса өткір ке­зеңінде пациенттерді басқару қағидат­тары және жаңартылған ұсынымдар ту­ралы медицина ғылымдарының докторы, профессор Алмагүл Жүсіпова кеңінен әңгімеледі. Содан кейін «Cerebra-ин­сульттің автоматтандырылған диагнос- тикасы» тақырыбында Президент іс басқармасы ауруханасының нейро­радиолог дәрігері, «cerebra» жобасы­ның медициналық жетекшісі Меруерт Сайфуллақызы таныстырылым жасады. Сондай-ақ Алматы қаласының №7 клиникалық ауруханасы жанындағы тамырлы нейрохирургия бөлімшесінің меңгерушісі, Алматы облысының ин­сульт қызметі бойынша бас штаттан тыс нейрохирург, PhD доктор Рауан Кастей ишемиялық инсультті хирургия- лық емдеудің ерекшеліктерімен бөліссе, Жамбыл облысында инсульт қызметінің ұйымдастырылуы мен жай-күйі туралы облыстық денсаулық сақтау басқарма­сының бас штаттан тыс невропатологы, облыстық көпбейінді ауруханасы жа­нындағы нейроинсульттік бөлімшенің меңгерушісі Айгүл Момуналиева айтып өтті. Қалалық көпсалалы аурухананың тамырлы нейрохирургы Еркебұлан Меркібеков «Тамырлы нейрохирургия» тақырыбында баяндама жасады.

Спикерлердің сөз сөйлеуі аяқталғаннан кейін шеберлік сыныптары өтті. Оның барысында Р.Кастейдің қатысуымен екі рентгенэндоваскулярлық оталары жасалды. Бірінші операция селективті церебральды ангиография және оң жақ ішкі ұйқы артерияларының гемодинами­калық маңызды бастапқы стенозын рент­генэндоваскулярлық стенттеу бойынша болса, екіншісі селективті церебральды ангиографияда және сол жақ ішкі ка­ротид артерияларының тасты бөлігінің гемодинамикалық маңызды стенозының рентгендік эндоваскулярлық стентін орналастыруға арналды.

Хирургиялық араласулар сәтті, асқы­нусыз жүргізілді.

Рентгенологтар үшін М.Сайфуллақызы жедел емдеу туралы мәселені шешу үшін стеноздар, окклюзиялар, тромбоздар (егер пациент терапевтік терезеге түспе­се) кезінде жүргізілетін КТ-перфузия бойынша шеберлік сыныбын көрсетті.

Бұл конференцияның басты ерек­шелігі Cerebra-ның «бағдарламалық жа­сақтамасын» орнату бағытында жатыр. Бұл – ишемиялық және геморраги­ялық инсультті автоматтандырылған диагностикалау үшін нейрорадиоло­гия саласындағы жасанды интеллект. Бағдарламаның өзі инсульт кезінде КТ сканерлеуіндегі бастапқы өзгерістерді тануға үйретілген, олар қарапайым көзбен әрдайым байқалмайды, сонымен қатар aspect шкаласы бойынша қанша аймақтың әсер ететінін есептейді. Бұл өз кезегінде емдеу тактикасын таңдауға, хирургиялық емдеу (тромбоэкстракция), тромболиз, науқастың жағдайының ауырлығын бағалауға көмектеседі. Сон-дай-ақ бағдарлама қан кету көлемін автоматты түрде есептейді. Бұл рентге­нологтар мен клиниктерге тапсырманы жеңілдетеді. Нәтижесінде пациентке жедел емдеу тағайындалады, функция­лардың жоғалуы және неврологиялық тапшылықтар қаупі азаяды.

Жұмаш ЖОЛБОЛДЫ