Еревандағы жарылыс: Құрбандар саны 14-ке жетті
Еревандағы «Сурмалу» сауда орталығындағы жарылыс салдарынан көз жұмғандар саны 14-ке жетті. Тағы 61 адам түрлі жарақат алған, деп хабарлайды Stan.kz ақпарат агенттігі.
«Іздеу-құтқару жұмыстарының нәтижесінде 14 мәйіт табылды», – делінген Армения төтенше жағдайлар департаментінің хабарламасында.
Әзірге 8 құрбанның жеке тұлғасы анықталмаған.
Ведомство өкілдері келтірген мәліметке сәйкес, 911 құтқару қызметіне түскен қоңыраулар бойынша із-түссіз жоғалғандар саны 18-ге жетуі мүмкін. Олардың арасында ресейлік әйел мен Иран азаматы бар.
Айта кетейік, «Сурмалу» сауда орталығындағы жарылыс 14 тамызда күндіз болған. Ереван мэрииінің мәліметінше, пиротехникалық материалдар қоймасы жарылған.
