Болгарияда автобус апатқа ұшырап, 45 адам қаза тапты
Болгарияда автобус апатқа ұшырап 45 адам, оның ішінде 12 бала қаза тапты, – деп хабарлайды «Jambyl-Taraz» ақпарат агенттігі Tengrinews.kz сайтына сілтеме жасап.
Оқиға жергілікті уақыт бойынша сағат 03.00 шамасында (Нұр-Сұлтан уақыты бойынша 07.00) София-Благоевград тас жолының 31-ші шақырымында болды. Жол апаты салдарынан 52 адам отырған автобус өртеніп кеткен.
Жергілікті өрт сөндіру бөлімінің бастығының айтуынша, өрт келеңсіз соқиға салдарынан болған. Аман қалғандардың барлығы ауыр халде ауруханаға жеткізілді.
Еске салайық, тамыз айында Нигерияда автобустың соқтығысуы салдарынан 20-дан астам адам қаза тапқан болатын.
