Бiлiм күні Жамбыл облысы iшкi iстер органдарына 42 кәмелетке толмаған жасөспірім жеткізілді
Ағымдағы жылғы 1 қыркүйекте кәмелетке толмаған жасөспірімдердің қауіпсіздігін қамтамасыз ету мақсатында облыс аумағында жергілікті тексеру жұмыстары жүргізілді.
Жоспарланған іс-шараларды іске асыру барысында ювеналды полиция инспекторлары тұрғын үйлердің аулаларында, саябақтарда және жастар көп жиналатын орындарда рейдтік іс-шаралар өткізді.
Ағымдағы түнде ішкі істер органдарына 42 кәмелетке толмаған жасөспірім жеткізілді, 46 ата-ана мен заңды өкіл әкімшілік жауапкершілікке тартылды. Кәмелетке толмағандардың түнгі мезгілде ойын-сауық орындарында болғаны үшін 1 кафе қожайыны жауапкершілікке тартылды.
– Жаңа оқу жылының басталуына орай барлық көңіл көтеретін ойын-сауық орындары мен жастар көп жиналатын жерлер құқық қорғау органдарының жіті назарында болады. Біздің міндетіміз- балалардың қауіпсіздігін қамтамасыз ету және жасөспірімдер жасаған және оларға қатысты құқық бұзушылықтардың алдын алу. Ата-аналардан балаларының бос уақытын және байланыс ортасын қадағалауларын сұраймыз. Балалардың ешбір қадағалаусыз болуы заңға қайшы әрекеттер жасауға себеп болуы мүмкін, – деп хабарлады Жамбыл облысының ПД Жергілікті полиция қызметі басқармасы ювеналдық полиция тобының аға инспекторы полиция майоры Оксана Семенова.
