Бауырларым мені түсінбейді: Қарағандылық металлург жігіт қыздарға маникюр жасап күн көріп жүр
Жан Медетбеков Қарағандыдағы маникюр жасаудың хас шебері. Қарапайым металлург қыз-келіншектерге қызмет етіп, табыс тауып жүр,–деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Жанның алған білімі – металлург мамандығы. Ол кәсіпте бір жыл жұмыс істеген, содан кейін сұлулық индустриясы үшін металл өндірісін өзгерту туралы шешім қабылдады.
«Мен өзім Балқаштанмын, мамандығым бойынша зауытта жұмыс істедім. Жарақат алып, денсаулығыма зиян тигеніне байланысты қызметтің басқа саласын таңдауға мәжбүр болдым. Әйелімнің арқасында бұл салаға кездейсоқ келдім. Бірде ол менен тырнақ жасауға көмектесуімді өтінді және сарапшы ретінде менің жұмысымды «өте жақсы» деп бағалады. Содан кейін мен өзімді маникюр шебері ретінде сынап көруді жөн деп шештім», – деді ер адам.
Жан осы салада жұмыс істей бастағанға дейін мамандықтарды ер адамның жұмысы және әйелдің жұмысы деп бөлгенін мойындайды.
«Отбасыма жаңа мамандығым туралы сегіз айдан кейін ғана айттым. Олар естігенде шошып кетті. Анам әрқашан қолдау көрсететін адам. Бірақ ағаларым мені алғашында түсінбеді. Әрине, әркімнің өз көзқарасы бар», – деді Медетбеков.
Жан алдағы уақытта кәсібін тағы өзгертіп, өз жеке кәсібін ашуды ойластырып жүр.
«Жаңа клиенттер келіп олардың алдында ер адамды көргенде, біртүрлі көзқараспен қарайды. Ал кейбіреулер қызығушылық үшін, ер адамды көруге өздері келеді. Менің жұмысым барлық клиенттерімнің көңілінен шықты деп айта аламын. Болашақта мамандығымды өзгертемін деп ойлаймын. Бұл салада жақсы ақша таба алсаңыз да, кемшіліктері бар. Лак иісінен, қозғалмайтын өмір салтынан денсаулыққа зияны да бар. Мен жеке өз кәсібімді ашатын шығармын», – деді ол.
