Альберт Линдердің өлімі: Қазақстандық ауыр атлеттер ұлттық құрамадағы сұмдықты жайып салды
Қазақстандық ауыр атлеттер Альберт Линдердің қазасына орай баспасөз-конференциясын өткізді. Жиында спортшылар Федерация басшылығының психологиялық қысымы туралы егжей-тегжейлі айтты, деп хабарлайды деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Марқұмның Семен Линдердің айтуынша, ағасы үнемі жаттықтырушысы Сергей Седовтың психологиялық қысымына ұшыраған. Сонымен қатар, ол Рио-де-Жанейродағы Олимпиада ойындарының алдында Альбертке азаматтық ұстанымдарына қайшы келетін талап қойғанын мәлімдеді. Альберт басшылықтың талабынан бас тартқан. Осыдан жағдайдан кейін Ташкенттегі бақылау кезінде Альберттің сынамасынан допинг анықталған.
«Оған (Сергей Седов – редактор ескертуі) Альбертке қысым жасау пайдалы болды. Альберт оған көп қаржы әкелген болуы мүмкін және ағама үлкен жоспарлары болған. Седовке Олимпиада ойындарына қандай жолмен баратыны маңызды емес еді. Ол оның жігерін сындырды. Альберт бәріне шындықты айтпауы үшін оған психологиялық тұрғыдан қысым көрсетті. Ол әлі күнге дейін шәкірттеріне бір қоңырау арқылы оттегін өшіре алатынын айтады», – деді Семен Линдер.
Семен Линдер жаттықтырушысы спортшыға қандай талаптар қойғаны туралы нақты айтқан жоқ. Сондай-ақ, ол Тараздағы оқу -жаттығу жиынында жаттықтырушымен ұзақ әңгімелескеннен кейін Альберт терезеден секіргенін айтты.
«Альберт терезеден секіріп, одан қашып кетті. Ол біздің бөлмеге жүгіріп келді, онда Михаил Макеев, Буланов Денис және мен болдым. Ол абдырап қалған еді. Көзі жасқа толған. Қабырғаға қолын ұрып, содан кейін қолын сындырды. Осыдан кейін Сергей Седов оны үйіне жіберді. Ол (Альберт) өз-өзін жоғалтып алды. Анам оның таяқпен ұйықтағанын айтты және олар артынан келетінін, оны өлтіргісі келетінін айтқан. Бұл Сергей Седовтың оның миына сіңіргені. Ол қатты жылады. Бұл ұзақ уақытқа созылды», – деді марқұмның інісі.
Басқа спортшылар да Седовке тағылған айыпты растады.
«Біздің жаттықтырушы Сергей Седовке келетін болсақ, бала кезімізден оның бізге қол көтерген сәттері болғанын толықтай растаймын. Біз одан қорқатынбыз. Қарсы сөйлеуге қорқамыз. Мен 28 жастамын, шынымды айтсам, мен әлі де қорқамын «, – дейді Карина Горичева.
Спортшылар неге бапкерді ауыстырмады деген сұраққа “спорттағы мансабымыз үшін алаңдадық” деп жауап берді.
Физикалық және психологиялық қысымнан бөлек, Сергей Седовті жалақымызды алды деп айыптады.
“Жалақы ала бастағаннан кейін ол біздің карталарды жинап алды. Ақшамызды алып отырды”, – деді Семен Линдер.
Қазақстандық ауыр атлет Маргарита Елисеева жаттықтырушылардың спортшыларға деген қатал қарым-қатынасының куәсі болғанын айтты.
«Халыққа түсінікті болу үшін қарапайым сөзбен айтқым келеді. Егер сіз балаларыңызды жеңіске жету және басқа да тілекпен спортқа берсеңіз, онда кейбір бапкерлер балаларыңызды мазақ ететінін біліңіз. Үкімет бізді тыңдағанын қалаймын, егер сіздердің балаларыңызды да дәл осылай мазақ етсе, не істер едіңіздер? Мен өзім осындай жағдайға куә болдым», – деді Елисеева.
Баспасөз конференциясына қатысқан құраманың бұрынғы мүшелері де басшылық спортшыларға психологиялық қысым жасайтынын, нәтижесінде көп спортшылар мансабын аяқтайтынын немесе депрессияға түсетінін атап өтті.
Жиналғандар бапкерлер ұлттық құрамаға легионерлерді шақырып, бизнес жасайтынын, салдарынан қазақстандық ауыр атлеттер шетте қалатынын да атап өтті.
Қорытындылай келе, олар Қазақстанның Ауыр атлетика федерациясына реформа енгізу қажет деп санайды.
Айта кетсек, 17 қыркүйекте 25 жастағы дарынды спортшы, ауыр атлет Альберт Линдер көз жұмған болатын. Ол өзіне қол жұмсаған. Спортшының өлімі бойынша қылмыстық іс қозғалды.
Альберт Линдер 1996 жылы 13 қаңтарда Талдықорған қаласында дүниеге келген. 2017 жылы 24 жасында Ашхабад қаласында өткен Азия чемпионатында топ жарды. Одан кейін тамыз айындағы Универсиадада 69 келі салмақ дәрежесінде алтыннан алқа тақты. Сол кезде Линдер үш мүмкіндіктің екеуін ғана пайдаланып, чемпион атанды.
