Қуанса, бала қуансын!
«Қуанса, бала қуансын» деген сөзді ата-бабамыз тегіннен-тегін айтпаса керек. Сондай-ақ хадисте де «Жерде бір бала қуанса, көктегі мың періште қуанады» делінеді.
Сондықтан да әртүрлі жағдайда балаларға керегінше қамқорлық көрсету, олардың өміріндегі әрбір қуанышты сәттеріне ортақтасу – қамқорлықтың бір түрі. Осы мақсатпен Тараз қаласы әкімдігінің жұмыспен қамту және әлеуметтік бағдарламалар бөлімінің ұйымдастыруымен халықаралық Даун синдромы бар адамдар күніне орай «Күн бала – шуақ шашқан нұрлана» атты шара өткізілді.
Шара барысында викториналық сұрақтар қойылып, белсенді қатысқандар марапатталды. Сонымен қатар демеушілер тарапынан барлық балаларға сыйлықтар табысталып, кеш соңы концерттік бағдарламаға ұласты.
