«Келісім” Алтын белгісі – халықаралық деңгейдегі сапа белгісі

On Ақп 10, 2023

«Кардиохирургия және трансплантология ғылыми-клиникалық орталығы» медициналық ұйымдарды аккредиттеу жөніндегі Халықаралық біріккен комиссияның қызметін бағалаудан сәтті өтті және JCI аккредиттеу сертификатын алды.

Joint Commission International (JCI) Біріккен халықаралық комиссия – медициналық ұйымдардың халықаралық сапа стандарттарына сәйкестігін бағалауды жүргізетін Чикаго қаласы, АҚШ-та құрылған үкіметтік емес ұйым. JCI сертификатының болуы медициналық ұйымдардағы қызметтердің сапасы мен қауіпсіздігін объективті тануды анықтайтын алтын стандарт болып табылады.

Аккредиттеу Орталықтың бастамасымен жүргізілді. Орталық директоры Жошыбаев Сейтханның айтуынша, барлық ұжым өзінің кәсіби деңгейін жетілдіру және көрсетілетін қызметтердің сапасын арттыру, кардиологиялық пациенттерді хирургиялық емдеудің инновациялық әдістерін әзірлеу және енгізу бойынша үнемі жұмыс істейді. Науқасқа қамқорлық жасау – орталықтың бірінші міндеті. “Біздің мақсатымыз-медициналық көмек көрсету сапасының халықаралық стандарттарына сай болу. Өзіңізге өзін-өзі бағалауды жоғарылату және жақсырақ болуға ұмтылу-бұл өзіңізге қойылатын талап”,- дейді профессор С. Жошыбаев.
Осыған байланысты, JCI аккредиттеу – клиниканы, сондай-ақ жалпы Қазақстанның денсаулық сақтау саласын одан әрі дамытуға бағытталған тағы бір қадам. Қазақстан Республикасының азаматтары мен шетел азаматтары елден шықпай-ақ жоғары сапалы медициналық қызметтерді ала алады.

Қазақстанда барлығы 8 ұйымның JCI халықаралық аккредиттеу сертификаты бар. JCI халықаралық аккредиттеуден өтуге дайындық барлық бөлімшелердің жұмысын қамтыды: дәрігер мен мейірбикелік күтімнен бастап ғимараттың қауіпсіздігіне, инфекциялық бақылауға, дәрі-дәрмектермен жұмыс істеуге, пациенттің құқықтарын сақтауға, қауіпсіздік мәдениетіне, ақпараттық қауіпсіздікке, жоғары білікті кадрлармен қамтамасыз етуге және т. б. бәрі кірді.
Халықаралық біріккен комиссияның сарапшы-аудиторлары атқарылған жұмыстарды, өткізілетін іс-шаралардың тиімділігін, жалпы барлық стандарттардың сәйкестігін бағалап, екі жүз негізгі стандарт бойынша және мыңнан астам қосымша көрсеткіштер бойынша мекемеге жоғары баға беріп, оның әлеуеті зор, дәрігерлер мен медбикелердің кәсібилігі жоғары екенін растады.
JCI халықаралық стандарттары ең алдымен пациенттердің күтімі мен қауіпсіздігіне бағытталған.
Аккредиттеудің болуы медициналық туристердің жоғары сапалы медициналық қызметтерді іздеп, өз елінен тыс жерлерге шығатын пациенттердің сенімінің кепілі ретінде бағаланады және орталыққа әлемнің жетекші медициналық орталықтарының қатарына кіруге мүмкіндік береді.
Аккредиттеу үш жылға беріледі. Әрі қарай медициналық мекеме қайта аккредиттеуден өтеді. Осы уақыт ішінде Орталық барлық ережелер мен стандарттарға сәйкес қатаң жұмыс істейді.
Аккредиттеу – бұл тұрақтылық пен міндеттемені талап ететін ұзақ мерзімді процесс. JCI аккредитациясын алған ұйымдар өз пациенттеріне ең жақсы қызмет көрсету деңгейін ұсынуға тырысады. Әлеуетті пациенттер немесе серіктестер аккредиттелмеген медициналық ұйымға қарағанда аккредиттелген медициналық ұйымды таңдауы ықтимал. Аккредиттеу қызмет көрсету сапасын жақсартатындықтан, ол пациенттердің қанағаттануын арттырады. Ал қанағаттанған пациенттер клиника туралы ақпарат таратады және қосымша медициналық көмек қажет болғанда өз таныстарына ұсына алады.