Ақтөбеде техникалық байқау станциясындағы жарылыстан бір адам қаза тапты (видео)
Ақтөбеде «Альтаир» техникалық байқау станциясында жарылыс орын алып, күзетшісі мерт болды, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Оқиға 22 ақпанда Нұр-Сұлтан уақытымен 4:11-де болған.
«Ақтөбе қаласы, Алматы ауданы, Смағұлов 15 мекенжайындағы техникалық байқау станциясында өрт шыққаны жайлы хабарлама келіп түсті. Оқиға орнына өрт сөндірушілер мен құтқарушылар жіберілді. Өрт сөндіру қызметінің жұмысшылары «Альтаир» станциясында газ-ауа қоспасы жарылып, салдарынан 600 шаршы метр аумақты қамтитын ғимараттың құлағанын анықтады. Техникалық байқау станциясының ішінде және маңында орналасқан 11 автокөлікке зақым келген. Жарылыстың алдын ала себебі – автокөліктегі газ қондырғысындағы ақау», – делінген ведомство хабарламасында.
Қазір оқиға орнында 136 адам мен 16 техника жұмыс істеп жатыр.
«Оқиғадан кейін жоғалған күзетшіні іздеуі жұмыстары басталды. Нәтижесінде 1654 жылы туған ер адамның мәйіті қирандылар астынан табылды», – деп қосты Төтенше жағдайлар министрлігіндегілер.
