Жаңа жылдық думанды цирк шоуы өтті
”Баласағұн” орталық концерт залында 26-27 желтоқсан күндері К. Әзірбаев атындағы Жамбыл облыстық филармониясының «Жаңа жылдық думанды цирк шоуы» өтті,-деп хабарлайды “Jambyl-Taraz” ақпарат агенттігі.
Бағдарламаға сәйкес, балаларға жаңа жылдық көңіл-күй тарту етілді. Ертегі кейіпкерлерінің шеруі болып, сайқымазақтар қызықты ойындар ойнатып, сыйлықтар үлестірді. Аяз Ата мен Ақшақар балаларды құттықтап, сиыр жылы балалармен қоштасып, Барыс жылы өнер көрсетті.
27 желтоқсанда мерекелік қойылымды облыстық мәдениет, архивтер және құжаттама басқармасына қарасты мекемелердің қызметкерлерінің балалары мен аз қамтылған отбасының балалары тамашалады.
