Атырауда абақтыға дрон арқылы телефон өткізбек болды
Атырауда ер адамдар жазасын өтеп жатқан абақтыға дрон арқылы телефон өткізбек болды, – деп хабарлайды «Jambyl-Taraz» ақпарат агенттігі Polisia.kz. сайтына сілтеме жасап.
Атырау облысы бойынша ҚАЖД УГ-157/9 мекемесінің қызметкерлері 22 желтоқсан күні сағат шамамен 19:00-де аспанда дронның ұшып жүргенін байқаған. Қызметкерлер дронның жерге төмендеуін аңдып тұрып, құрылғыны қолға түсірді.
Дронға байланған телефонды алды. Ұялы телефонмен бірге 2 дана USB де тергеу органдарына жолданды.
