Кептердің еті қосылған: Алматыда самса жасайтын аспаздың қылығы желіні дүрліктірді

Кептер аулап жүрген самса пісірушінің видеосы желіде тарады,-деп хабарлайды «Jambyl-Taraz» ақпарат агенттігі nege.kz сайтына сілтеме жасап.

Видео авторы аталмыш самсахананың көрінбейтін қолдаушысы қалалық әкімдікте отырғанын жазады.

Көк базардың маңында, Қалдаяқов пен Жібек жолы көшелерінің қиылысында самса пісіретін дүңгіршек тұр, деп мәлімдейді бейнежазба авторы Instagramдағы kris_p_almata парақшасында.

Кафенің саудагерлерінің бірі оқиғаны түсіндірді. Кептерлерді тамақтандыру үшін ішке алып кіргенін, алайда кейін қайта ұшырып жібергендерін жеткізді.

“Қазір ол аспаз жоқ. Ол қамыр дайындайды. Ол тамақтың қалдықтарын кептерлерге беріп жатқанда мен оның жанында болдым. Біреуін ішке алып кірді, бірақ содан соң барлық кептер сыртқа ұшып кетті. Біз кептерлерді тамаққа қоспайтын шығармыз. Тамақты өзіміз де жейміз. Етке бөлек тапсырыс жасаймыз”, – дейді сатушы Қаракөз Үстімбитова.

Өз кезегінде Санитарлық-эпидемиологиялық қызмет көгершін етін тамаққа пайдалануға тыйым салынады дейді. Бірақ олар мораторий бар болуына байланысты тамақтану орындарын тексере алмайды. Бақылаушылар тексеру үшін жаппай улану жағдайы тіркелу керек. Басқа жағдайларда өтініш берушілер бұзушылықтың фото және бейне дәлелдерін ұсынуы керек. Егер СЭҚ қызметкерлері тексеруді жоспарласа да, олар бір күнде кәсіпкерлерге тексеретіні туралы ескертуі керек.