Дәрігер денсаулыққа қауіпті дәрілер атауын айтты
Ресейлік дәрігер және тележүргізуші Александр Мясников жүрекке зиянды дәрі-дәрмектерді атады, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Дәрігердің пікірінше, жүрекке қауіпті дәрі-дәрмектердің көбі қатерлі ісікпен күресу үшін қолданылатын дәрілер.
“Біз 70% жағдайда мұндай препаратты береміз және оның жүрекке жанама әсері болады. Бірақ бізге адамның өмірін сақтап қалу керек», – дейді Мясников.
Сондай-ақ, дәрігер егер дұрыс қолданылмаса, Ибупрофен, Диклофенак және Индометацин сияқты стероид емес қабынуға қарсы препараттар жүрекке зиян келтіруі мүмкін екенін атап өтті.
Олар қысымның жоғарылауына әкелуі мүмкін, инфаркт тудыруы мүмкін. Жүрек жеткіліксіздігінде бұл дәрі-дәрмектерді қолдануға мүлдем болмайды. Стероидті емес қабынуға қарсы препараттардың рецебсіз еркін сатылатындары жүрек үшін ең қауіптілер.
“Мұны жүрегі әлсіздер мен қарт адамдарға беруге болмайды. Немесе дәрігердің бақылауымен өте сақтықпен қабылдау қажет», – деп ескертті дәрігер.
Сонымен қатар, маманның айтуынша, антибиотиктер аритмияны тудыруы мүмкін және басқа органдарға жанама әсері бар. Жүрек жеткіліксіздігі мен атриальды фибрилляцияны емдеуге арналған дәрі «Дигоксин» артық дозаланғанда өлімге әкелетін аритмияға әкеледі.
