Қазақстандық күнбағыс майын өндірушілер бағаның өсімі туралы ескертеді

Май зауыттарының тұқымның сатып алу бағасын өсіруге шетелге шикізат сататын ірі саудагерлердің әрекеті мәжбүрлейді және осының нәтижесінде оның құны да артады. Мұнымен қоса, олар бағаның осылайша өсуінің зардабын қарапайым халық көретіндігін жасырмайды.

Күнбағыс майының 1 литрін өндіру үшін зауыттарға шамамен 2,5 келі тұқым қажет болады. Бұл көлемді алу үшін өткен жылы зауыттар 300 теңге жұмсаса, биылғы жыл оның бағасы 700 теңгеге өскен. Зауыттың дайын майының бір литрі былтыр 350 теңгеден сатылса, биыл 550 теңгеге сатылуда. Дүкендерде оның құны өткен жылы 500 теңгеге, ал биылғы жыл 800 теңгеге өзгерген. Және бұл мамандардың айтуынша, алдағы уақытта да көтерілуі мүмкін.

Шаруалардың сөзінше, үшінші жыл бойы Қостанай облысында күнбағыс өнімі нашар жиналған, соның салдарынан шикізат жетіспейді. Федоров ауданында үш ірі мұнай зауытының біреуі бір жыл бойы тоқтап тұрса, қалғандары әзер күнелтуде.

Қайта өңдеушілер қазіргі таңда күнбағыс майын өндірумен айналысу тиімсіз болып қалғанын алға тартады. Олар барлығына тұқымды шетел асырып жатқан ірі саудагерлерді кінәлайды. Осыған байланысты май зауыттары да сатып алу бағасын өсіруге мәжбүр, ал бұл тиісінше өнімнің құнының қымбаттауына алып келеді. Көпшілігі бұл өндірістен жай ғана бас тартуда.

«Оларға қазір май өндіру тиімсіз. Және олар алты ай бұрын сатып алған шикізатты бүгінде жоғары бағамен сатуда. Қайта өндірушіге майды өндіруден гөрі сатып жіберген тиімдірек. Қойылған құнға жағдай жасау үшін біз бүгін өндіре алмаймыз», – дейді май өңдеу зауытының директоры Владимир Заверуха.

Май өндірушілер жағдайды әлі де жақсартуға болатынына сенімді. Ол үшін өндірушілерге субсидияны қайтару қажет. Қосымша ақы алу үшін фермерлер шикізатты жергілікті май зауыттарына тапсыру арқылы ірі саудагерлерді айналып өте алады. Нәтижесінде қарапайым сатып алушыларға баға төмендеп, бұл отандық өңдеу жұмысына екі мүмкіндік сыйлайды.