28 ақпанда «Nur Otan» партиясы Саяси кеңесінің отырысы өтеді
Бүгін «Nur Otan» партиясы Саяси кеңесі Бюросының қаулысымен 28 ақпанда Саяси кеңестің отырысын өткізу туралы шешім қабылданды. Бұл туралы партияның Атқарушы хатшысы Асхат Оралов өзінің Facebook-тегі парақшасына жазды деп хабарлады «Jambyl-Taraz» ақпарат агенттігі turkystan.kz сайтына сілтеме жасап.
«Онда партияның кезектен тыс XXII Съезінің күн тәртібі бекітіледі. Сондай-ақ Саяси кеңес Бюросының қаулысымен «Nur Otan» партиясынан Парламент Мәжілісі депутатының бос мандатын партиялық тізім бойынша Саясат Нұрбекке беру туралы шешім қабылданды», – деді Асхат Оралов.
Тиісті шешім Орталық сайлау комиссиясына жіберілді.
