Таразда “Омар ата” базарынан шыққан өрттің себебі анықталды
Таразда Мәмбет батыр көшесінің бойында “Омар ата” базарының аумағында 350 шаршы метр алаңда қойма үй-жайынан сағат 10:05-те өрт шықты.
Оқиға орнына ТЖД жеке құрамның 40-қа жуық адамы және техникасының 13 бірлігі жұмылдырылды.
ТЖД қызметкерлерінің мәліметінше, өрт 2 сағаттан кейін сөндірілді.
“12:46-да өрт сөндірілді. Өрттің ауданы – 350 шаршы метр. Өрттің алдын ала себебі – электр сымдарының қысқа тұйықталуы”, – делінген облыстық ТЖД берген жауапта.
