Жастар есірткіге қарсы

Соңғы жылдары есірткіні, психотроптық, тактикалық және басқа да маскүнемдік заттарды медициналық емес тұтыну мәселесі әлемнің көптеген елдері үшін өзекті болып отыр. Осы орайда Халықаралық нашақорлыққа және есірткінің заңсыз айналымына қарсы күрес күніне арналған айлықтың аясында Жамбыл облысы Полиция департаментінің есірткі қылмысына қарсы іс-қимыл басқармасының қызметкерлері «Нашақорлық – әлеуметтік проблема, қоғам дерті!» тақырыбында дәріс өткізді.

Дәрістің алдында ҚР ІІМ Есірткі қылмысына қарсы іс-қимыл департаментінен жіберілген есірткіге қарсы бейнероликтер көрсетілді.
Студенттер есірткі заттарының заңсыз айналымы саласында сұрақтар қойып, оларға толық жауаптар берілді.
Дәрістің мақсаты – студенттер арасында салауатты өмір салтын насихаттау, нашақорлыққа қарсы күрес шараларын күшейту.
Іс-шараға 200-ден астам студент қатысып, полиция қызметкерлері есірткі мен синтетикалық есірткіні қолданудың зияны мен салдары туралы айтты.
Жамбыл облысы ПД ЕҚҚІБ бастығы, полиция подполковнигі Әлім Бажықбаевтың айтуынша, нашақорлық – бұл адам ағзасының есірткіге тәуелділігін қалыптастыра отырып, кездейсоқ немесе мәжбүрлеп қабылдаудан басталатын ауыр психикалық дерт.
Нашақорлыққа тән көріністер – есірткіні одан әрі қолдануға және оны кез келген жолмен алуға деген ұмтылыс. Қазіргі заманғы есірткі құралдары алғашқы қабылдаудан бастап осындай тәуелділікті қалыптастыра алады. Бұл аурудың салдары өте қауіпті, өйткені ішкі органдардың, жүйке жүйесінің функцияларының өрескел бұзылуы және тұлғаның деградациясы орын алады.

Дедек Төлен