Шахтадағы жарылыстан қаза тапқан бесінші адамның денесі табылды
Құтқарушылар “АрселорМиттал Теміртау” шахтасында болған жарылыстан қаза тапқан бесінші кеншінің денесін тапты, деп хабарлайды Экспресс К.
Қарағанды облысындағы Ленин атындағы шахтада жұмысшылардың қаза табу оқиғасы бойынша қылмыстық іс қозғалды. Бұл туралы Polisia.kz сайты жазды.
Ленин атындағы шахтада болған төтенше жағдайға байланысты ҚР ҚК-нің 277-бабы 3-бөлігіне сәйкес қылмыстық іс қозғалды,— делінген хабарламада.
Оқиға орнында Қарағанды облыстық Полиция департаментінің жедел-тергеу тобы жұмыс істеуде. Қазіргі уақытта қажетті барлық тергеу әрекеттері жүргізілуде.
