Құтқарушылар арасындағы жарыс

Салауатты өмір салтын насихаттау, азаматтық қорғау органдары қызметкерлерінің спорттық дағдыларын дамыту мақсатында өрт сөндіру және авариялық-құтқару жұмыстары қызметкерлері арасында кіші футболдан және волейболдан турнир ұйымдастырылды.

Тартысқа толы болған аладоп аламанында І орынды №2 ауысым жеңіп алса, ІІ орынды №4 ауысым, ІІІ орынды №1 ауысым еншіледі. Сондай-ақ аталған өрт сөндіру бөлімінің қызметкерлері Жандос Төкешов «Үздік шабуылшы», Медғат Абай «Үздік қақпашы», Нұрғазы Бердиханов «Үздік қорғаушы» номинацияларына қол жеткізді. Ал волейбол турнирі нәтижесінде №1 мамандандырылған өрт сөндіру бөлімінің командасы жеңіске жетсе, ІІ орынды басқарма аппаратының, ІІІ орынды жедел құтқару жасағының құрамалары олжалады.

Жомарт Бекболат, өрт сөндіру және авариялық құтқару жұмыстарын ұйымдастыру бөлімінің басшысы