Үш бірдей үміткердің кандидатурасы талапқа сай емес – ОСК

Орталық сайлау комиссиясы Фатима Бизақова, Талғат Файзоллаұлы Ерғалиев, Хайрулла Мағауияұлы Габжалиловты Қазақстан Республикасының президенттігіне кандидат ретінде тіркеуден бас тарту туралы қаулы қабылдады деп хабарлады turkystan.kz.

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 54-бабына, 59-бабының 7-тармағының 3) тармақшасына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасының президенттігіне кандидат Фатима Бизақова Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңында оған қойылатын талаптарға сәйкес емес деп белгіленсін.
2. Фатима Бизақованы Қазақстан Республикасының президенттігіне кандидат ретінде тіркеуден бас тартылсын», – делінген қаулы мәтінінде.